1. ვინ ვართ და რას ეხება ეს პოლიტიკა
ვეტმენს მართავს შპს ტელვო (საიდენტიფიკაციო კოდი 205218334). პერსონალურ მონაცემებთან დაკავშირებულ საკითხებზე გამოიყენეთ კონტაქტის გვერდი.
ეს პოლიტიკა ეხება vetman.app-ის საჯარო საიტისა და ვეტმენის ვებაპლიკაციის ვიზიტორებს, ანგარიშის მფლობელებს, რეგისტრაციის მსურველებს, დემოს სტუმრებსა და პირებს, რომლებიც გვიკავშირდებიან.
2. ჩვენი როლი
ჩვენ ვართ დამუშავებისთვის პასუხისმგებელი პირი, როცა ვამუშავებთ საიტის ვიზიტორის, ანგარიშის მფლობელის, რეგისტრაციის მსურველის, დემოს სტუმრისა და ჩვენთან მომწერის მონაცემებს.
ორგანიზაციის კლიენტებისა და მათი ცხოველების ჩანაწერებზე პასუხისმგებელი პირი შესაბამისი ორგანიზაციაა. ამ შემთხვევაში ვეტმენი არის დამუშავებაზე უფლებამოსილი პირი და მონაცემს მხოლოდ ორგანიზაციის დავალებით ამუშავებს. თუ ორგანიზაციის კლიენტი ხართ, პირველ რიგში მას მიმართეთ.
3. რა მონაცემს ვამუშავებთ, რატომ და რა საფუძვლით
| ვინ | რა მონაცემი | მიზანი | საფუძველი |
|---|---|---|---|
| საჯარო საიტის ვიზიტორი | IP, ბრაუზერი, ნანახი გვერდი, მოსვლის წყარო და მიახლოებითი მდებარეობა Google Analytics-იდან | საიტის გამოყენების გაგება და გაუმჯობესება | თანხმობა, რომელსაც ვიზიტორი საიტის ბანერზე იძლევა |
| საიტის ან აპლიკაციის ვიზიტორი | სერვერის ჟურნალი: IP, დრო, მოთხოვნილი მისამართი და პასუხის კოდი | უსაფრთხოება და გაუმართაობის დადგენა | ლეგიტიმური ინტერესი |
| ანგარიშის მფლობელი | სახელი, გვარი, ელფოსტა, ტელეფონი, ფოტო, როლი, ორგანიზაცია და პაროლის ჰეში | ანგარიშის შექმნა და მომსახურება | ხელშეკრულება |
| ორგანიზაციის ადმინისტრატორი, რომელიც ორგანიზაციას არეგისტრირებს | პირადი ნომერი | პირის იდენტიფიკაცია, მათ შორის ერთნაირი სახელისა და გვარის მქონე პირების ერთმანეთისგან გარჩევა | ხელშეკრულება და ლეგიტიმური ინტერესი |
| Google-ით შესული პირი | Google-ის უნიკალური ანგარიშის იდენტიფიკატორი, ელფოსტა და დადასტურების სტატუსი, სახელი და გვარი, თუ Google გვაწვდის | ანგარიშის შექმნა, შესვლა და ანგარიშთან დაკავშირება | ხელშეკრულება და მომხმარებლის მოთხოვნა |
| ანგარიშის მფლობელი | შესვლის დრო, წარუმატებელი მცდელობა, IP, სესია და მოქმედებების აუდიტი | ანგარიშისა და ორგანიზაციის მონაცემების დაცვა | ლეგიტიმური ინტერესი და კანონისმიერი ვალდებულება |
| ანგარიშის მფლობელი | ინტერფეისის პარამეტრები | არჩევანის დამახსოვრება | ხელშეკრულება |
| გამოწერის გადამხდელი: იურიდიული პირი, ინდივიდუალური მეწარმე ან ფიზიკური პირი | გადამხდელის ტიპი, სამართლებრივი ფორმა, იურიდიული დასახელება ან სახელი და გვარი, სავაჭრო დასახელება, საიდენტიფიკაციო კოდი ან პირადი ნომერი, იურიდიული ან რეგისტრაციის მისამართი, ფაქტობრივი მისამართი, ვებგვერდი, ტელეფონი, ელფოსტა და საბანკო რეკვიზიტები | გამოწერა, ინვოისი და ანგარიშსწორება | ხელშეკრულება და კანონისმიერი ვალდებულება |
| ვინც გვწერს | ელფოსტა და მიმოწერის შიგთავსი | მოთხოვნაზე პასუხი | ლეგიტიმური ინტერესი |
| დემოს სტუმარი | აუცილებელი სესიის მონაცემი; დემოს სამუშაო ჩანაწერები სინთეზურია | დემოს ჩვენება და დაცვა | ლეგიტიმური ინტერესი |
| საჯარო ცნობარის მოთხოვნის ფორმის შემვსები | სახელი და გვარი, ვინ ხართ (როლი), კლინიკა ან კომპანია, ელფოსტა, ტელეფონი (თუ მიუთითებთ), შეტყობინების შინაარსი, გვერდი, რომელსაც მოთხოვნა ეხება, IP მისამართი და ბრაუზერის აღწერა | მოთხოვნაზე პასუხი, ცნობარის შემოწმება და შესწორება, ფორმის ბოროტად გამოყენებისგან დაცვა | ლეგიტიმური ინტერესი და მომხმარებლის მოთხოვნა |
| ვინც ფორმაზე „მინდა ვეტმენის სიახლეები"-ს მონიშნავს | ელფოსტა, სახელი და თანხმობის დრო | ვეტმენის სიახლეების გაგზავნა | თანხმობა, რომლის გაუქმებაც ნებისმიერ დროს შეიძლება |
საჯარო ცნობარის (vetman.app/refs) დასაცავად ავტომატური მასობრივი კოპირებისგან ვინახავთ ავტომატური წვდომის მცდელობის IP მისამართს, დროს, ბრაუზერის აღწერას და გახსნილ მისამართს, ასევე თითო IP მისამართზე გახსნილი გვერდების მთვლელს. ამას ვაკეთებთ ჩვენი კანონიერი ინტერესით (სერვისის უსაფრთხოება), ვინახავთ არაუმეტეს 6 თვისა და მესამე პირს არ გადავცემთ, გარდა Cloudflare-ისა, რომელიც ქვე-დამმუშავებელთა სიაშია.
ცნობარის ფორმიდან მიღებულ საკონტაქტო მონაცემებს ვიყენებთ მხოლოდ მოთხოვნაზე პასუხისთვის. სიახლეებს ვუგზავნით მხოლოდ მას, ვინც ამისთვის ცალკე ველი მონიშნა.
ჩვენ, როგორც პასუხისმგებელი პირი, მიზანმიმართულად არ ვითხოვთ ადამიანის განსაკუთრებული კატეგორიის მონაცემს და ადამიანის შესახებ მხოლოდ ავტომატურ დამუშავებაზე დაფუძნებულ გადაწყვეტილებას არ ვიღებთ.
Google-ის access token გამოიყენება მხოლოდ ავტორიზაციის პასუხის მისაღებად. ვეტმენი მას ან refresh token-ს არ ინახავს. Facebook-ით შესვლა ამჟამად გამორთულია და ამ გზით Meta-სთან მონაცემი არ იგზავნება.
4. ქუქი და ანალიტიკა
ვებაპლიკაცია იყენებს აუცილებელ სესიის ქუქის; მასში მესამე მხარის ანალიტიკური ტრეკერი არ არის. საჯარო საიტზეც და აპლიკაციაშიც Cloudflare-მა შეიძლება დააყენოს მკაცრად აუცილებელი უსაფრთხოების ქუქი. საჯარო vetman.app Google Analytics 4-ს ტვირთავს მხოლოდ მას შემდეგ, რაც ვიზიტორი თანხმობის ბანერზე „ვეთანხმები"-ს დააჭერს. გამოყენებული ქუქი, ვადა და ბრაუზერით შეზღუდვის გზები აღწერილია ქუქი-ფაილების შეტყობინებაში.
5. ვის გადაეცემა
- DigitalOcean-ის ინფრასტრუქტურას ფრანკფურტის რეგიონში — აპლიკაციის ჰოსტინგისთვის;
- Cloudflare-ს — ვებსაიტისა და აპლიკაციის ტრაფიკის უსაფრთხო გატარებისთვის, HTTPS-ისთვის და შეტევებისგან დაცვისთვის. თქვენი ბრაუზერიდან გაგზავნილი ყველა მოთხოვნა ჯერ Cloudflare-ის ქსელში გადის;
- ჩვენს საფოსტო ინფრასტრუქტურას — სისტემური და მხარდაჭერის წერილებისთვის;
- Google-ს — საჯარო საიტის ანალიტიკისთვის და, მომხმარებლის არჩევით, Google-ით შესვლისთვის;
- სახელმწიფო ორგანოს ან სხვა პირს — როცა ამას კანონი გვავალდებულებს ან სამართლებრივი მოთხოვნის დაცვა მოითხოვს.
SMS-ის მიმწოდებელს, uBill-ს, მონაცემი მხოლოდ მას შემდეგ გადაეცემა, რაც ორგანიზაცია SMS ფუნქციას რეალურად ჩართავს. მონაცემს არ ვყიდით და მესამე პირს საკუთარი რეკლამისთვის არ გადავცემთ.
6. საზღვარგარეთ დამუშავება
ჰოსტინგის, Cloudflare-ისა და Google-ის მომსახურების გამო მონაცემი შეიძლება დამუშავდეს საქართველოს ფარგლებს გარეთ, მათ შორის გერმანიაში და აშშ-ში. ვიყენებთ მოქმედი კანონითა და შესაბამისი მომსახურების პირობებით გათვალისწინებულ დაცვის ზომებს.
7. რამდენ ხანს ვინახავთ
მონაცემს ვინახავთ მხოლოდ მიზნის, ანგარიშის ან ხელშეკრულების მოქმედების, უსაფრთხოებისა და სამართლებრივი მოთხოვნისთვის საჭირო ხნით.
- ანგარიში და დაკავშირებული Google იდენტობის ჩანაწერი ინახება ანგარიშის მოქმედებისას და დადასტურებული მოთხოვნის შემდეგ წაიშლება ან გაიმიჯნება, კანონით სავალდებულო ნაწილის გარდა;
- Google-ის access token და refresh token არ ინახება;
- შესვლის წარუმატებელი მცდელობის IP ჩანაწერი ავტომატურად იშლება ერთი დღის შემდეგ;
- სესია სრულდება 8 საათის უმოქმედობისას და ნებისმიერ შემთხვევაში 24 საათში;
- უსაფრთხოების, აუდიტისა და მიმოწერის ჩანაწერები ინახება ოპერაციული, უსაფრთხოებისა და სამართლებრივი საჭიროების შესაბამისი პერიოდით;
- ბუღალტრული ჩანაწერები ინახება კანონით მოთხოვნილი ვადით;
- ცნობარის ფორმიდან მიღებული მოთხოვნა ინახება მის დასრულებამდე და იშლება დასრულებიდან ან უარიდან 3 წელიწადში, რომ საჭიროების შემთხვევაში ვაჩვენოთ, როდის შეგვატყობინეს შეცდომა და როდის გავასწორეთ;
- სიახლეებზე თანხმობის ჩანაწერი (ელფოსტა, სახელი, თანხმობის დრო) ინახება, სანამ სიახლეებს არ გამოიწერთ, და გამოწერიდან კიდევ 3 წელიწადს, თანხმობის დასამტკიცებლად;
- ცნობარის დაცვის ჩანაწერები (IP მისამართი, დრო, ბრაუზერის აღწერა, გახსნილი მისამართი) ავტომატურად იშლება არაუგვიანეს 6 თვისა;
- დაცულ ბექაფში მონაცემი შეიძლება დარჩეს ბექაფის ციკლის დასრულებამდე და გამოიყენება მხოლოდ აღდგენისთვის.
8. თქვენი უფლებები
მოქმედი კანონით შეგიძლიათ მოითხოვოთ ინფორმაცია, მონაცემის ასლი, შესწორება, განახლება, დამუშავების შეზღუდვა, დაბლოკვა, წაშლა ან განადგურება, თანხმობის გაუქმება და საჩივრის წარდგენა.
მოთხოვნა გამოგზავნეთ კონტაქტის გვერდიდან და ფორმაში მიუთითეთ ანგარიშთან დაკავშირებული ელფოსტა. შეიძლება მოგთხოვოთ ვინაობის დამატებითი დადასტურება, მაგრამ პაროლს არასდროს მოგთხოვთ. წაშლის ინსტრუქცია ცალკე გვერდზეა. მოთხოვნას კანონით დადგენილ ვადაში ვუპასუხებთ.
ორგანიზაციის კლიენტის ან ცხოველის ჩანაწერზე გადაწყვეტილებას შესაბამისი ორგანიზაცია იღებს. თუ პასუხი არ დაგაკმაყოფილებთ, შეგიძლიათ მიმართოთ საქართველოს სახელმწიფო აუდიტის სამსახურს ან სხვა კომპეტენტურ ორგანოს.
9. უსაფრთხოება
ვიყენებთ როლებზე დაფუძნებულ წვდომას, ორგანიზაციების გამიჯვნას, HTTPS-ს, დაცულ სესიის ქუქის, პაროლის ჰეშირებას, შესვლის შეზღუდვებს, აუდიტის ჟურნალს და კონფიგურაციის საიდუმლოებების დაშიფვრას. ატვირთული ფაილი გაიცემა მხოლოდ შესვლისა და შესაბამის ორგანიზაციაზე წვდომის შემოწმების შემდეგ.
არც ერთი სისტემა არ არის აბსოლუტურად დაცული. ინციდენტზე ვიმოქმედებთ მოქმედი კანონისა და ინციდენტზე რეაგირების პროცედურის შესაბამისად.
10. ცვლილება
ახალ ვერსიას გამოვაქვეყნებთ ნომრითა და ძალაში შესვლის თარიღით; ძველი ვერსიები არქივში დარჩება. არსებითი ცვლილების შესახებ ანგარიშის მფლობელს შესაბამისი არხით შევატყობინებთ.