სამუშაო პროცესები და მონაცემები ერთ სისტემაში.

ინტერაქციული სამუშაო დაფა ოთხ ეტაპად ასახავს პაციენტის სტატუსს: მოსაცდელში, ექიმთან, ანგარიშსწორებაზე, დასრულებული. მოიცავს წინასწარი ჩაწერის კალენდარს დღის, კვირისა და თვის ხედით, სერიულ (განმეორებად) ვიზიტებს, მიღების პრიორიტეტის (ტრიაჟის) მითითებას, დისტანციურ კონსულტაციებსა და უპატრონო ცხოველის სწრაფ რეგისტრაციას.

კვლევების მართვა როგორც შიდა აპარატურით, ისე გარე ლაბორატორიასთან: ყოველ გაგზავნილ ანალიზზე მიუთითებთ, კლიენტი კლინიკას უხდის თუ პირდაპირ პარტნიორს, და პარტნიორის გვერდზე თვის ჩამონათვალს ხედავთ. მოიცავს სინჯების შტრიხკოდების ბეჭდვას, სახეობის, სქესისა და ასაკის მიხედვით მორგებულ ნორმებს კრიტიკული მნიშვნელობის აღნიშვნით, წინა ანალიზებთან შედარებასა და ტრენდის გრაფიკს, ექვს სპეციალიზებულ ოქმს და დასკვნის გაგზავნას პატრონის ელფოსტაზე.

ქირურგიული პროცესის სრული მართვა: გუნდის გადანაწილება (ქირურგი, ანესთეზიოლოგი, ასისტენტი), ოპერაციამდელი მომზადების შემოწმების ფურცელი, ანესთეზიის ეტაპობრივი ოქმი, ინტრაოპერაციული სასიცოცხლო პარამეტრები, გართულებების აღრიცხვა და გამოღვიძების მონიტორინგი. გამოყენებული მედიკამენტები, სახარჯი მასალა და იმპლანტები ავტომატურად ჩამოიწერება მარაგიდან და ისახება ანგარიშში.

წამლის გამოწერისას სისტემა ავტომატურად ითვლის დოზას წონის მიხედვით (მგ/კგ) და აფრთხილებს წამლების ურთიერთქმედებებზე. ჩაშენებულია ჯიშობრივი გენეტიკური მგრძნობელობის კონტროლი (MDR1 მუტაცია, მწევრებისთვის ანესთეტიკების შეზღუდვა). მხარდაჭერილია კლინიკის მზა პროტოკოლები და რეცეპტის გაგზავნა პატრონის ელფოსტაზე.

პაციენტის პროფილაქტიკური ისტორია: სისტემა თვითონ ითვლის შემდეგი ვაქცინაციისა თუ დამუშავების ვადას, მარაგიდან ჩამოწერს დოზას პარტიის მითითებით და აგენერირებს ოფიციალურ დასაბეჭდ სერტიფიკატს. მეპატრონეს შეხსენებას SMS-ით ან ელფოსტით უგზავნით.

ოთახებისა და გალიების დაკავებულობა ერთ სიაში: ვინ სად წევს და სად არის თავისუფალი ადგილი. ცვლის სამუშაო დაფა პერსონალს საათობრივად უჩვენებს, რა არის გასაკეთებელი ახლა და რა დაგვიანდა, მედიკამენტების ელექტრონული ფურცელი (MAR) კი ყოველ გაცემულ დოზას აღრიცხავს. მოიცავს სასიცოცხლო პარამეტრების ჟურნალს, დღიური ტარიფის ავტომატურ დარიცხვას ტარიფის ცვლილების ჩათვლით და გაწერის ოფიციალურ ფურცელს.

სასტუმროს ნომრებისა და საცხოვრებელი სივრცეების მართვა: ჯავშანი, მიღება და გაშვება, დასაბეჭდი მიღება-ჩაბარების აქტი, კვებისა და გასეირნების დღიური ჟურნალი, სასტუმროში ყოფნისას სამედიცინო მომსახურების ჩანიშვნა და ფოტოების გაზიარება პატრონისთვის დროებითი ბმულით. ღამეები და დამატებითი მომსახურება ავტომატურად ისახება ანგარიშში.

სპეციალურად თავშესაფრებისთვის შექმნილი უფასო მოდული: მიღების აღრიცხვა მიზეზითა და მდგომარეობით, მიკროჩიპის ნომერი, ფოტოები და ჯანმრთელობის მეთვალყურეობა. გაშვილების ეტაპზე გენერირდება ოფიციალური ხელშეკრულება და გაშვილების ბარათი ცხოველის სრული ისტორიით, დაბრუნებისა და გაუქმების ჩათვლით.

გრუმინგ-სერვისების მენეჯმენტი: სესიების ჩანიშვნა ოსტატისა და დროის მიხედვით, მზა პაკეტები (ბანაობა, ჰიგიენა, შეჭრა), Before/After ფოტოების გადაღება პირდაპირ ტელეფონიდან ან ტაბლეტიდან, პატრონისთვის ფოტოების ბმულის გაგზავნა და სწრაფი ანგარიშსწორება სალაროში.

კლინიკის შიდა სამედიცინო მარაგების მართვა FEFO პრინციპით (ჯერ ის იხარჯება, რისი ვადაც ადრე იწურება): პარტიებისა და ვარგისიანობის ვადების კონტროლი, მასალის ავტომატური ჩამოწერა ჩატარებული მკურნალობიდან, ოპერაციიდან და პროფილაქტიკიდან, შიდა მოხმარების აღრიცხვა, ინვენტარიზაცია და გადაადგილება ფილიალებს შორის.

სავაჭრო ნაწილის სრული მართვა: გატარება შტრიხკოდ-სკანერით, ნაღდი, საბანკო და ტერმინალით გადახდა, ფასდაკლებები და დაბრუნებები, შეფუთვით ან ცალობით გაყიდვა. მოიცავს ფიზიკურ ინვენტარიზაციას, მომწოდებლებისგან შესყიდვებს კონსიგნაციისა და დავალიანების კონტროლით, და დღის სალაროს დახურვას: რამდენი შემოვიდა, რა მეთოდით და რომელ საათებში.

ცენტრალიზებული პრაისლისტი, რომელიც აერთიანებს ამბულატორიას, ქირურგიას, ლაბორატორიას, სტაციონარს, სასტუმროსა და გრუმინგს. მომსახურებები დაჯგუფებულია კატეგორიებად (კონსულტაცია, მანიპულაცია, ოპერაცია და სხვა), რაც გამორიცხავს ფასის ხელით შეყვანას. ჩანაწერზე ფასი იყინება, ამიტომ პრაისის შეცვლა ძველ ანგარიშებს არ შეეხება.

ექიმის საცნობარო ბაზა: პრეპარატის დოზა სახეობისა და წონის მიხედვით, უკუჩვენებები და ურთიერთქმედებები, სახეობების ფიზიოლოგიური ნორმები (ტემპერატურა, პულსი, სუნთქვა), ლაბორატორიული ინტერვალები და დაავადებების აღწერები. კლინიკას შეუძლია პლატფორმის ჩანაწერი თავისთვის მოირგოს და საკუთარი ჩანაწერები დაამატოს.

ტიპური დიაგნოზებისთვის მზა სამკურნალო შაბლონები: მანიპულაციები და მასალები ბარათში ერთი დაწკაპუნებით ემატება, რაც დროს ზოგავს და მკურნალობის სტანდარტს იცავს. იქვე ინახება დანიშნულების მზა პროტოკოლები და პროფილაქტიკის პროდუქტების სია, საიდანაც შემდეგი ვადა ავტომატურად გამოითვლება.

მმართველობითი გადაწყვეტილებები რეალურ ციფრებზე დაყრდნობით: კლინიკის პიკური საათები და კვირის დატვირთული დღეები, ჩანიშვნების შესრულება და გამოუცხადებლობა (No-show), დებიტორული დავალიანებები, შემოსავლები მიმართულებების მიხედვით, სტაციონარის დატვირთვა, მარაგების მოძრაობა და ABC ანალიზი. თითოეულ ანგარიშს აქვს პერიოდის ფილტრი და ცხრილად ჩამოტვირთვა.