კაბინეტი

ინტერაქციული სამუშაო დაფა ოთხ ეტაპად ასახავს პაციენტის სტატუსს: მოსაცდელში, ექიმთან, ანგარიშსწორებაზე, დასრულებული. მოიცავს წინასწარი ჩაწერის კალენდარს დღის, კვირისა და თვის ხედით, სერიულ (განმეორებად) ვიზიტებს, მიღების პრიორიტეტის (ტრიაჟის) მითითებას, დისტანციურ კონსულტაციებსა და უპატრონო ცხოველის სწრაფ რეგისტრაციას.

კვლევების მართვა როგორც შიდა აპარატურით, ისე გარე ლაბორატორიასთან: ყოველ გაგზავნილ ანალიზზე მიუთითებთ, კლიენტი კლინიკას უხდის თუ პირდაპირ პარტნიორს, და პარტნიორის გვერდზე თვის ჩამონათვალს ხედავთ. მოიცავს სინჯების შტრიხკოდების ბეჭდვას, სახეობის, სქესისა და ასაკის მიხედვით მორგებულ ნორმებს კრიტიკული მნიშვნელობის აღნიშვნით, წინა ანალიზებთან შედარებასა და ტრენდის გრაფიკს, ექვს სპეციალიზებულ ოქმს და დასკვნის გაგზავნას პატრონის ელფოსტაზე.

კლინიკის შიდა სამედიცინო მარაგების მართვა FEFO პრინციპით (ჯერ ის იხარჯება, რისი ვადაც ადრე იწურება): პარტიებისა და ვარგისიანობის ვადების კონტროლი, მასალის ავტომატური ჩამოწერა ჩატარებული მკურნალობიდან, ოპერაციიდან და პროფილაქტიკიდან, შიდა მოხმარების აღრიცხვა, ინვენტარიზაცია და გადაადგილება ფილიალებს შორის.

წამლის გამოწერისას სისტემა ავტომატურად ითვლის დოზას წონის მიხედვით (მგ/კგ) და აფრთხილებს წამლების ურთიერთქმედებებზე. ჩაშენებულია ჯიშობრივი გენეტიკური მგრძნობელობის კონტროლი (MDR1 მუტაცია, მწევრებისთვის ანესთეტიკების შეზღუდვა). მხარდაჭერილია კლინიკის მზა პროტოკოლები და რეცეპტის გაგზავნა პატრონის ელფოსტაზე.

პაციენტის პროფილაქტიკური ისტორია: სისტემა თვითონ ითვლის შემდეგი ვაქცინაციისა თუ დამუშავების ვადას, მარაგიდან ჩამოწერს დოზას პარტიის მითითებით და აგენერირებს ოფიციალურ დასაბეჭდ სერტიფიკატს. მეპატრონეს შეხსენებას SMS-ით ან ელფოსტით უგზავნით.

ცენტრალიზებული პრაისლისტი, რომელიც აერთიანებს ამბულატორიას, ქირურგიას, ლაბორატორიას, სტაციონარს, სასტუმროსა და გრუმინგს. მომსახურებები დაჯგუფებულია კატეგორიებად (კონსულტაცია, მანიპულაცია, ოპერაცია და სხვა), რაც გამორიცხავს ფასის ხელით შეყვანას. ჩანაწერზე ფასი იყინება, ამიტომ პრაისის შეცვლა ძველ ანგარიშებს არ შეეხება.

მმართველობითი გადაწყვეტილებები რეალურ ციფრებზე დაყრდნობით: კლინიკის პიკური საათები და კვირის დატვირთული დღეები, ჩანიშვნების შესრულება და გამოუცხადებლობა (No-show), დებიტორული დავალიანებები, შემოსავლები მიმართულებების მიხედვით, სტაციონარის დატვირთვა, მარაგების მოძრაობა და ABC ანალიზი. თითოეულ ანგარიშს აქვს პერიოდის ფილტრი და ცხრილად ჩამოტვირთვა.